Д. Сумъяабазар: Түгжрэлийг бууруулах ажлын хүрээнд 500 нийтийн тээврийн автобусыг шинээр оруулж ирнэ

Засгийн газрын ээлжит хуралдаанаар хэлэлцсэн асуудлыг танилцуулж Нийслэлийн Засаг дарга Д. Сумъяабазар мэдээлэл хийж байна.

Тэрээр “Улаанбаатар хотын бүсүүдэд 2-3 удаа судалгаа хийхэд Бага тойруугийн бүс дээр хамгийн их түгжрэлийн цэг үүсдэг гэж гарсан. Бага тойруугийн  бүс дээр 2300 төлбөртэй грашийг бид зайлшгүй хийх ёстой гэж үзэн энэ ажлыг оруулж ирж байгаа. 2300 төлбөртэй автомашины зогсоол дээр 13.8 тэрбум төсөвлөж 2023 онд ажил хийгдэнэ.

Мөн автозамын түгжрэлийг үүсгэж байгаа томоохон шалтгаануудыг нэг бол уулзваруудын нэвтрэх чадамжийн асуудал байгаа. Тэгэхээр нэвтрэх чадамжийн харилцан адилгүй ялгаатай байгаа асуудалыг зохицуулах үүднээс Улаанбаатар хотын 30 байршил дээр дахин автозамын инженерчлэл хийхээр 30 тэрбум төгрөг төсөвлөсөж оруулж байгаа.

Нийслэл Улаанбаатар хотод 2009 оноос хойш нийтийн тээврийн парк шинэчлэлт дорвитой хийгдээгүй. С. Баяр даргын засгийн газрын үед 400 орчим автобус шинэчлэлт хийсэн. Түүнээс хойш огтоос хийгээгүй. Улаанбаатар хотод явж байгаа нийтийн тээврийн 75 хувь нь стандарт хангахгүй, шаардлагад нийцэхгүй гэдэг дүгнэлтэд хүрсэн. Тийм учраас Улаанбаатар хотын нийтийн тээврийг орчин үеийн шийдэл бүхий зорчигчдод ээлтэй, шаардлага хангасан, дулаан ая тухтай, эрүүл аюулгүй байх нөхцлийг бүрдүүлсэн 500 автобусыг оруулж ирэх зохицуулалтыг хийж байна” гэлээ.  

                                                                                  И. Шинэбат