Өнөөдрийн Засгийн газрын хуралдаанаар Улаанбаатар хотын авто замын түгжрэлийг бууруулах, төвлөрлийг сааруулахад чиглэсэн төсөл, арга хэмжээний талаар хэлэлцэж буй.
Түгжрэлийг бууруулахын тулд насжилт өндөртэй автомашины импортын татвар, даатгалын төлбөр, лизингийн хүүг нэмэгдүүлж, Улаанбаатар хотод шинээр бүртгэгдэх тээврийн хэрэгслийн тоог 10 орчим мянгад хязгаарлах хувилбар Засгийн газрын түвшинд яригдаж байна.
Эрэлт нийлүүлэлтийг хүчээр зохицуулж жилд бүртгэх тээврийн хэрэгслийн тоог 10 мянгаас хэтрүүлэхгүй байхаар квот тогтоох байдлаар түгжрэлийг бууруулна гэж гүйцэтгэх засаглалынхан үзэж буй бололтой.
Түүнчлэн хос хөдөлгүүртэй автомашины татварын хөнгөлөлтийг цуцлах, буруу талдаа жолооны хүрдтэй автомашиныг замын хөдөлгөөнд оролцохыг хориглох, шатахууны үнэд нийслэл хотын 1% татвар тооцох, цахилгаан автомашины хэрэглээг дэмжих зэрэг арга хэмжээг үе шаттай авч хэрэгжүүлэх саналууд Засгийн газрын хуралдааны үеэр гарчээ.
Дээрх арга хэмжээнүүдийг авснаар Улаанбаатар хотын авто замын түгжрэл 15 хувиар буурна гэж тооцож буй аж.
Г.Жүгдэр
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
