Саакашвилийг төрийн эргэлт хийхээр төлөвлөж байна гэжээ

Энэ тухай Гүржийн төрийн аюулгүй байдлын алба: Саакашвилигийн талынхан төрийн эргэлт хийх гэж төлөвлөж байна гэж мэдээлжээ. 

Тодруулбал, эдүгээ Руставигийн шоронд ял эдэлж буй Гүржийн ерөнхийлөгч асан Михаил Саакашвили төрийн эргэлт хийхээр санаархаж  байна гэж  тус агентлагийн цахим хуудсанд нийтэлэгдсэн Гүржийн Төрийн аюулгүй байдлын албаны (СГБ) мэдэгдэлд дурджээ.

Экс ерөнхийлөгчийн талынхан Рустави шоронгийн ойролцоо болон Тбилиси хотод эсэргүүцлийн жагсаал зохион байгуулахаар төлөвлөж байгаа талаар тус хэлтэс мэдээлсэн байна. Шуурхай мэдээлэлд дурдснаар  тэд төрийн байгууллагуудыг  бүслэн хаах арга хэмжээг төлөвлөсөн гэдгийг  дурджээ.   Жагсагчдын онилж буй бай нь Гүржийн парламент, Засгийн газар болон Ерөнхийлөгчийн ордон, Хууль зүйн яам, Дотоод хэргийн яам байж магадгүй гэж тооцож байна.

Саакашвили энэхүү төлөвлөж буй  төрийн эргэлтийг шоронгоос удирдаж магадгүй гэж эрх баригчид сэжиглэж байгаа юм. Төрийн аюулгүй байдлын албанаас мэдэгдэл хийхдээ, экс ерөнхийлөгч шоронд очиж уулзсан хүмүүсээр дамжуулан сөрөг хүчний намуудын дарга нарт зааварчилгаа өгч байсан нь батлагдсан гэжээ. Тодруулбал, зохион байгуулагчид энхүү жагсаалдаа хууль хүчний байгууллагад ажиллаж байсан хүмүүсийг татан оролцуулахаар төлөвлөсөн бөгөөд мөн сөрөг хүчний удирдагчдын аль нэгийг нь устгах боломжийг судалж байгаа" гэж мэдэгджээ.

Михаил Саакашвили аравдугаар сарын 1-нд тус улсад хууль бусаар нэвтэрснийхээ дараа Гүржид саатуулагдсан юм. Тэрбээр хэдэн жилийн өмнө банкир Сандро Гиргвлианигийн амийг хөнөөсөн хэргээр түүнд эчнээ оноосон ялын дагуу шоронд хоригдож байгаа юм. Саакашвили шоронд өлсгөлөн зарлаж   эмч нар түүнийг биеийг өдөр ирэх тутам муудаж байна гэж хэлж байв.

Эх сурвалж: Lenta.ru