АНУ-ын Төрийн департамент Майкл Помпеод бэлэглэсэн  5.8 мянган долларын үнэтэй лонх вискийг хайж байна

АНУ-ын Төрийн департаментын мөрдөн байцаалтын явцад Төрийн нарийн бичгийн дарга асан Майкл Помпео-д бэлэглэсэн 5,8 мянган долларын үнэ бүхий Япон лонх виски олдсонгүй гэж ABC News мэдээлэв.

Энэхүү мэдээлэл нь Майкл Помпеод 2019 онд Японы засгийн газраас бэлэглэсэн  30 жил дарсан  "Сантори Хибики" вискиний тухай ярьж байгаа аж. Мөн АНУ-ын Ерөнхийлөгч асан Дональд Трампын засаглалын үед алга болсон дурсгалын алтан зоос болон хэдэн арван мянган долларын үнэ бүхий бусад бэлэг дурсгалын зүйл олдохгүй байгаа тухай дээрх мэдээнд дурджээ.  Үүний зэрэгцээ Төрийн департамент энэхүү шалгалтынхаа үеэр найман шаазан, зэс ваар илрүүлсэн бөгөөд нийтдээ 20 мянган доллараар үнэлэгдэж байгаа аж. 

Нэмж дурдахад, шинэ Засаг захиргааны ажилтнууд өнгөрсөн нэгдүгээр сард бэлэг дурсгалын сангийн  агуулах руу орохдоо  тэнд байдал эмх замбараагүй байгааг анх олж мэдсэн гэдгээ  тайланд тэмдэглэжээ. Мөн мөрдөн байцаалтын явцад агуулах руу олон тооны хүмүүс бэлэг дурсгалын зүйлтэй  нэвтэрч байсан нь тогтоогдсон байна. Тухайлбал, 2020 оны наймдугаар сарын 3-наас нэгдүгээр сарын 31-ний өдрийг хүртэлх хугацаанд 77 хүн хамгаалалтын картаа ашиглан тус сангийн агуулах руу нийтдээ гурван мянга гаруй удаа нэвтэрсэн байна.

Трампын засаг захиргааны дараа бэлэг дурсгалын зүйлийн сантай холбоотой шалгалт мөрдөн байцаалтын ажиллагаа  явуулж байгаа нь энэ оны наймдугаар сард тодорхой болсон юм.

 Департаментын Ерөнхий байцаагчийн алба АНУ-ын улс төрчид нэгдүгээр сард Төрийн департаментын бэлэг дурсгалын сангаас татвар төлөгчдийн мөнгөөр ​​авсан бэлгийг эргүүлэн татсан байж магадгүй гэж сэжиглэж байна.

Алга болсон зүйлсийн дотор G7-ийн орнуудын удирдагчдад бэлэглэхээр  худалдаж авсан  бэлэг дурсгалын зүйлсийн багц  бүхий уутнууд мөн багтжээ. Энэхүү багцад арьсан цүнх, гантиг тавиур, гантиг хайрцаг  зэрэг багтсан байжээ. Энэхүү багц тус бүрийн үнэ 680 доллараар үнэлэгдсэн байна. Бэлгийг 2020 онд болох Кэмп Дэвидийн дээд хэмжээний уулзалтын үеэр гардуулахаар төлөвлөж байсан ч коронавирусын тахлын улмаас цуцлагдсан байжээ. 

Эх сурвалж: Лента ру