Тонгагийн Вант улсад коронавирусний халдварын анхны тохиолдол илэрсний дараа бүх нийтийн хөл хорио тогтоохоор боллоо гэж мэдээний “Matangi Tonga Online” цахим хуудас мэдээлжээ.
Хөл хорио тогтоож байгааг тус улсын Ерөнхий сайд Похива Туионетоа өнөөдөр мэдэгдсэн байна.
Түүний мэдэгдсэнээр, орон даяар хөл хорио 11 дүгээр сарын 2-ны мягмар гарагт эхэлж, 11 дүгээр сарын 7-ны ням гаргийг дуустал үргэлжилнэ. Энэ хугацаанд дотоодын бүх нислэгийг цуцалж, тус улсын бүс нутгуудын хилийг хааж, олон нийтийн арга хэмжээ зохион байгуулахгүй. Харин хүнсний дэлгүүр, хүнсний үйлдвэр, эмийн сан, эмнэлэг зэрэг газрууд ажиллана.
Тонгад коронавирусний халдварын анхны тохиолдол 10 дугаар сарын 29-нд бүртгэгджээ. Халдвар Шинэ Зеландын Крайстчерч хотоос ирсэн онгоцны 215 зорчигчийн нэгээс илэрсэн байна. Халдвар илэрсэн хүнтэй харилцсан 300 гаруй хүн байгаа боловч одоогийн байдлаар халдварын шинэ тохиолдол илрээгүй байна гэж тус улсын Эрүүл мэндийн яам мэдээлжээ.
ДЭМБ-ын мэдээлснээр, 10 дугаар сарын 29-нийг хүртэл Тонгагийн вант улсад коронавирусний халдварын нэг ч тохиолдол бүртгэгдээгүй байжээ.
Эх сурвалж: Montsame.mn
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
