Энэ долоо хоногт цаг агаар ямар байх вэ?

2021 оны 11 дүгээр сарын 01-нээс 11 дүгээр сарын 08-ныг хүртэлх
7 хоногийн цаг агаарын урьдчилсан төлөв

03-нд баруун аймгуудын нутгийн баруун хэсгээр, цаашдаа ихэнх нутгаар цас орж, цасан болон шороон шуурга шуурч, эрс хүйтрэхийг онцгойлон анхааруулж байна.

Хур тунадас: 01-нд баруун болон төвийн аймгуудын нутгийн зарим газраар, 02-нд төв болон зүүн аймгуудын нутгийн зарим газраар, 03-нд баруун аймгуудын нутгийн баруун хэсэг, төвийн аймгуудын баруун хойд хэсгээр, 04-нд баруун болон төвийн аймгуудын ихэнх нутгаар, 05-нд баруун аймгуудын нутгийн зүүн хэсэг, говь болон төвийн аймгуудын нутгийн ихэнх, зүүн аймгуудын нутгийн зарим газраар, 06-нд төвийн аймгуудын нутгийн өмнөд хэсэг, говь, зүүн аймгуудын ихэнх нутгаар, 07-нд Хангай, Хөвсгөл, Хэнтийн уулархаг нутаг, Дарьгангын тал нутаг, Халх голын сав газраар цас орж, цасан шуурга шуурна.

Салхи: 01, 02-нд зарим газраар секундэд 7-12 метр, 03-нд баруун аймгуудын нутаг, төвийн аймгуудын нутгийн баруун хэсгээр, 04-нд баруун аймгуудын нутгийн зүүн хэсэг, төв болон говийн аймгуудын ихэнх нутгаар, 05-нд төвийн аймгуудын нутгийн зарим газар, төв болон говийн аймгуудын ихэнх нутгаар, 06-07-нд говь, тал, хээрийн нутгаар секундэд 18-20 метр, зарим үед секундэд 24 метр хүрч шороон шуурга шуурна.

Агаарын температур: Хугацааны эхээр Дархадын хотгор болон Монгол-Алтайн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж голын хөндийгөөр шөнөдөө 13-18 хэм хүйтэн, өдөртөө 0-5 хэм дулаан, Их нууруудын хотгор болон говийн бүс нутгийн өмнөд хэсгээр шөнөдөө 4 хэм хүйтнээс 1 хэм дулаан, өдөртөө 10-15 хэм дулаан, бусад нутгаар шөнөдөө 5-10 хэм хүйтэн, өдөртөө 5-10 хэм дулаан байна.

3-нд баруун аймгуудын нутгийн баруун хэсгээр, цаашдаа ихэнх нутгаар эрс хүйтэрч Дархадын хотгор болон Монгол-Алтайн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 25-30 хэм, өдөртөө 10-15 хэм, Их нууруудын хотгор болон говийн бүс нутгийн өмнөд хэсгээр шөнөдөө 8-13 хэм, өдөртөө 2-7 хэм, бусад нутгаар шөнөдөө 18-23 хэм, өдөртөө 8-13 хэм хүйтэн байна.