Дэлхийн тэргүүлэгч орнууд эх дэлхийгээ аврахаар санал нэгдэж байна

         "Их 20"-ийн орнууд дэлхийн дулаарлыг зогсоохыг зөвшөөрч байна.

Италийн нийслэл  Ромд болж буй “Их 20”-ийн бүлгийн  дээд хэмжээний уулзалтад оролцож буй дэлхийн тэргүүлэгч орнууд эх дэлхийгээ аврахаар тохиролцсон тухай ТАСС мэдээллээ.

Дээд хэмжээний уулзалтад оролцогчид дэлхийн дулаарлын хурдыг хязгаарлах үүрэг хүлээхээр  тохиролцлоо. Ингэхдэээ үйлдвэржилтийн өмнөх үетэй харьцуулахад дэлхийн дулаарлыг 1.5 хэмээс хэтрүүлэхгүй байх ёстой. Гэхдээ энэхүү зорилгодоо хүрэх цаг хугацаа  одоогоор тодорхойлогдоогүй байна.

Үүнтэй төстэй амлалтыг 2015 оны Парисын Уур амьсгалын гэрээнд тусгаж байв. Гэхдээ тухайн үед Цельсийн хоёр хэмийг заавал жишиг цэг болгон заасан байдаг. 

Мөн энэ удаагийн гэрээнд "Их 20"-ийн гишүүн орнууд энэ зууны дунд үе гэхэд нүүрсхүчлийн хийн ялгаруулалтыг тэглэх зорилт тавьсан байна.

Дашрамд дурдахад энэ удаагийн ИХ-20-ын уулзалтад манай хоёр хөршийн төрийн тэргүүн нар цахимаар оролцож байгаа бөгөөд харин Гадаад харилцааны сайд нараа илгээжээ. 

Эх сурвалж: Лента.ру