"Их 20"-ийн орнуудын дээд хэмжээний уулзалт Ромд эхэллээ

Ромд “Их 20”-ийн орнуудын төр, засгийн тэргүүн нарын дээд хэмжээний уулзалт эхэллээ. 

G-20 орнуудын удирдагчид Бямба гарагийн өглөө энэхүү арга хэмжээ болох  "Нувола" хурлын  төвд болсон нээлтэд хүрэлцэн иржээ. Тэднийг Италийн Ерөнхий сайд Марио Драги угтан авчээ. Зочдын дунд НҮБ зэрэг олон улсын байгууллагын тэргүүн нар мөн  байгаа юм.

Дээд хэмжээний уулзалтын үеэр Ром хотын эрх баригчид хотын агаарын хилийг хаах тушаал өгчээ.  Аюулгүй байдлын алба дэг журам сахиулах зорилгоор дрон ашиглаж байна. Төлөөлөгчдийн буудалласан газрын ойр орчин болон арга хэмжээ зохион байгуулахаар төлөвлөж буй бүх  байршилуудыг хамгаалалтад авчээ. Мөн метроны 14 буудлыг хааж, хөшөө дурсгал, музей үзэх боломжийг  хязгаарлажээ.

ОХУ-ын Гадаад хэргийн сайд Сергей Лавров “Их 20”-ийн дээд хэмжээний уулзалтад өөрийн биеэр оролцохоо өмнө нь мэдэгдэж байсан юм. Харин ОХУ-ын Ерөнхийлөгч Владимир Путин коронавирусийн халдварын нөхцөл байдлын улмаас G20-ийн дээд хэмжээний уулзалтад цахимаар оролцоно. Тэрбээр  “Дэлхийн эдийн засаг ба дэлхийн эрүүл мэнд”, “Уур амьсгалын өөрчлөлт ба байгаль орчин” гэсэн хоёр салбар хуралдаанд илтгэл тавихаар  төлөвлөж байна.

G20 бол хамгийн том, эдийн засгийн хувьд өндөр хөгжилтэй, хөгжиж буй орнуудын албан бус холбоо юм. G-20-ын холбоо нь  1999 оны дээд хэмжээний уулзалтаар АНУ, Канадын санаачилгаар байгуулагдаж байв.