Колумбид  "шинэ Эскобар" гарч ирэх магадлалтай гэв 

Дайро Усугийг баривчлагдсаны дараа Колумбид бүр ч хүчтэй хар тамхины эзэн гарч ирж магадгүй юм

Колумбын хамгийн том хар тамхины бүлэглэлийн толгойлогчийг баривчилсны дараа гэмт хэргийн бүр хүчирхэг шинэ босс гарч ирж магадгүй юм. Ийм боломжийн талаар Оросын ШУА-ийн Латин Америкийн хүрээлэнгийн Улс төр судлалын төвийн ахлах судлаач Дмитрий Елесеенко Lente.ru сайтад өгсөн тайлбартаа дурджээ.

Мексикийн хамгийн том картелууд Синалоа, Жалиско нарын дайны улмаас Колумбын картелуудад тавьдаг байсан Мексикийн хяналтыг сулруулсан өнөөгийн нөхцөлд шинээр  ийм удирдагч гарч ирэх магадлал өмнөхөөсөө илүү болж байна" гэж Елесеенко хэлжээ.

1993 онд Пабло Эскобар нас барсан тухай мэдээлэл гарсны дараа Мексикийн картелуудын нөлөө тус бүс нутагт тархаж эхэлснийг тэрээр дурдсан байна.

Түүнчлэн 2000-аад онд Мексикт хэд хэдэн томоохон хар тамхины наймаачдыг устгасны үр дүнд 2021 он хүртэл Латин Америкийн хамгийн том, ялагдашгүй бүлэглэл байсан Синалоа картел бүлэглэл бий болсон гэж шинжээч тэмдэглэжээ. "Эрх мэдлийн хоосон орон зай, хяналт алдагдах нь ихэвчлэн гэмт хэрэгтнүүдийн баронууд өсч өндийх маш сайн үндэс суурь болдог" гэжээ.

"Бэй овгийн" толгойлогч, Отониел хочит Дайро Усуги 10-р сарын 24-нд Колумбын цэрэг, цагдаа нар Некокли хотод явуулсан томоохон тусгай ажиллагааны үеэр баригдаад байгаа юм. Түүнийг баривчлахад хамгаалалтын албаны 500 ажилтан оролцсон байна. Колумбын Ерөнхийлөгч Иван Дуке Маркес энэ үйл явдлыг Пабло Эскобарын уналттай зүйрлэжээ.