Д.Баярболд:Ойрын хавьталд 100 хувь хавьталын судалгаа хийх шаардлагагүй

УОК-ын Нэгдсэн Шуурхай штабаас цаг үеийн асуудлаар мэдээлэл хийж байна

 ЭМЯ-ны Нийтийн ЭМ-ийн хариу арга хэмжээ, халдварт өвчний хяналт, сэргийлэлтийн хэлтсийн дарга Д.Баярболд: Ойрын хавьталд 100 хувь хавьталын судалгаа хийх шаардлагагүй.

Халдварын нэмэлт тун хийгдэж байгаа. Гуравдугаар тун нь дельта хувилбарт сайн үйлчилж байна гэсэн үр дүн гарсан. Хоёрдугаар эмнэлэгт хийсэн судалгаагаар вакцинжуулалтын дархлаа тогтолт 14 хоногийн дараа өндөр өсөж байгаа дүн гарсан. Өнөөдрийн байдлаар дархлаажуулалтын гуравдугаар тунд 380,330 иргэн хамрагдсан байна. Иргэдийг  гуравдугаар тундаа хамрагдахыг уриалж байна.

Мөн 12 наснаас доош насны хүүхдүүдэд вакцин хийх тов гараагүй, судалж байгаа талаар дурдлаа.

Сургуулийн дэглэм барилт сайн байгаа учир халдвар авсан сурагч гэртээ өөрийгөө тусгаарласнаар халдвар тарахгүй байх боломжтой гэлээ, Түүнчлэн ор зохицуулалт хийгдсэнээс хойш гэрээр нас баралт гараагүй бөгөөд эмзэг бүлгийн хүүхэд, ахмад настанд эмнэлгийн түргэн тусламж нэн түрүүнд үзүүлэхээр ажиллаж байна.

Түр оршин суугчид буюу хаяг тодорхойгүй иргэд эрүүл мэндийн тусламж үйлчилгээ авж чадахгүй байх эрсдэл хамгийн өндөр байгаа талаар ярилаа.

ОБЕГ-ын дэд дарга, УОК-ын Нэгдсэн Шуурхай штабын дарга, бригадын генерал Б.Ууганбаяр Тархалтыг бууруулах үндсэн гурван чиглэл нь дархлаажуулалт, амны хаалт, эрт эмчилгээ оншилгоо гэдгийг мэдээллийн үеэр онцоллоо.

Б.Эрдэнэзаяа