ДЭМБ: Хүн төрөлхтөн коронавирусын эсрэг тэмцлийн замынхаа талаас илүү хувийг тууллаа

ДЭМБ-ын судлаач: Хүн төрөлхтөн COVID-19-тэй тэмцэх арга замынхаа бараг 60 хувийг даваад байна.

Хүн төрөлхтөн коронавирусын халдвартай тэмцэх арга замынхаа талаас илүү хувийг туулсан. Гэсэн хэдий ч үүнийг үл харгалзан урьдчилан тооцоолоогүй шинэ бэрхшээлүүд гарч болзошгүй тул COVID-19 тахлын төгсгөлийн цаг хугацааны талаар урьдчилсан таамаглал гаргахад эрт байна. Швейцарийн SonntagsBlick сонинд өгсөн ярилцлагадаа ДЭМБ -ын ахлах судлаач Сумья Сваминатан энэ тухай хэлжээ.

Ярилцлагын үеэр  сэтгүүлчид тахал өвчнийг марафонтой зүйрлэвэл хүн төрөлхтөн хэдий хэрийн зайг туулаад байгаа талаар мэргэжилтэнээс асуухад “Удахгүй бид замынхаа 60 хувийг туулна гэж найдаж байна. Гэхдээ бид өөр бас гэнэтийн уул давааг даван туулах шаардлагатай байж магадгүй" гэж Сваминатан  онэмж хэлжээ. 

Цар тахлын төгсгөлийн талаар ярихын тулд хүн төрөлхтөнд  мэдэгдэхгүй, тодорхойгүй хэвээр байгаа зүйл хэт их байгаа бөгөөд үүнд коронавирусын омгийн шинэ хувилбарууд гарч болзошгүй гэжээ.

Дэлхийн зарим орны хүн амын дийлэнх олонх нь  буюу 70-80 хувийг бүрэн дархлаажуулаад  байгаа  бол өөр зарим хэсэгт, тухайлбал Африкт  ердөө 4 хүрэхгүй хувийнх нь тархвар судлалын нөхцөл байдал сайжирч байгааг Сваминатан онцолжээ.

Ийм учраас ДЭМБ вакцины бүх тунг дэлхий даяар вакцинжуулалтын түвшинг нэмэгдүүлэхэд ашиглахыг уриалж байна. Өргөтгөсөн тун буюу 3-р тунг дэлхийн хүн бүр зохих вакцин хийлгэсэн тохиолдолд л авч үзэх боломжтой "гэж тэр хэлжээ. 

Өмнө нь ДЭМБ -ын тэргүүн Тедрос Гебрейюс дэлхийн хүн амын 70 хувийг вакцинжуулах шаардлагатай тоо хэмжээг тооцоолсон. Коронавирусын эсрэг вакцины хуваарилалтын тэнцвэргүй байдал нь "дэлхийн сүйрлийг" үүсгэсэн боловч нөхцөл байдлыг засч залруулах боломж байсаар байгааг онцлон тэмдэглэсэн юм.