Замын-Үүдийн гацаанаас болж 5 их наяд төгрөгийн хохирол учирчээ

Замын-Үүдийн гацаа гайт рапснаас эхлэлтэйгээр бүтэн 1 жилийн нүүр үзлээ. Үүний 6 сар шахуу нь бүр таг гацалт, тэг зогсолт байв. Засгийн газрын хувьд хамаг буруугаа Корона болон БНХАУ-ын Эрээн боомтын Засгийн ордонруу бухаад өнгөрч байгаа бол ЗТХЯ болон түүний удирдлагууд Л.Халтарт ямар хариуцлага тооцох нь одоог болтол тодорхойгүй байсаар байна.

Хувийн ашиг сонирхолын зөрчилтэй, өөртөө тээвэр зуучийн компанитай, Монгол чихэр ХХК-ийн хамтран хувьцаа эзэмшигч өөрөө Илинкс ХХК тээвэр зуучийн компанитай, уг Илинкс ХХК-ийн захирал нь өөрөө Монголын Тээвэр зуучуудын нэгдсэн холбооны тэргүүн гээд үй олон хэрсэн сүлжээндээ өнөөдөр Монгол Улсын зам тээврийн салбар орооцолдоод хэзээ мөдгүй навс унахад бэлэн болчихсон дэнжигнэж байна.

Хамгийн их хариуцлага шударга ёс ярьж гарч ирсэн Л.Оюун-Эрдэнэ Ерөнхий сайд хамгийн их хариуцлагагүй нөхдийг хаацайлагчаар шалгарч цом авах л дутуу байх шиг байна.

Тэгвэл хэсэг эрдэмтэд 2020 оны 1 сараас эхлэн өнөөг хүртэл Монгол Улсын эдийн засагт учруулсан хохиролыг нарийвчлан тооцон гаргасан мэдээлэл гарчээ. Үүнд Монгол Улсын хувийн аж ахуйн нэгжүүд ихээхэн цохилт авсан бол төрийн өмчит компаниуд харьцангуй бага мэдэрч байгаа аж. Зөвхөн экспортын салбар ашигтай гарсан үзүүлэлттэй байгаа хэдий ч 38 сая тонн нүүрс гаргах төлөвлөгөөтэй байсан хэдий ч 16 сая тонноор жилийн эцэсээ хаах төлөвтэй байгаа юм.

Оргүйгээс охинтой нь дээр ядаж 16 сая тонн нүүрсний мөнгөөр амиа аваад гарлаа харин ашиг алга. Импортлогчид шууд хохирол нь 5 тэрбумаар тооцогдож байна. Энэ их хэмжээний хохиролын үр дүнд 150 мянган ажлын байр алга болж бодит мөнгөн хохиролын хэмжээ одоо ч эцэслэн гараагүй хохирол цаашид ч нэмэгдсээр байна. Шунал ихтэй тээвэр зуучуудын монопол байдал, төртэй хуйвалдсан хуйвалдааны үр дүнд ашиг сонирхол, албан тушаал, авлигалын үнэ өртөг тэнгэрт хадаж харин 100 айл, Гермесийн бүх лангуунууд үнэ нэмэх гэж бие биенээ өглөөдөө тандсаар зуныг барлаа.

Хариуцлагагүй төрийн хамжааргагүй сайд нарт хэзээ Монгол Улсын төрийн төмөр нүүрийг үзүүлж түмэн олон учирсан энэ их хохиролыг нөхөн төлүүлэх вэ?

Түмэн.мн