ХБНГУ-д 9-р сарын 26-ны өдөр орон нутгийн цагаар 8:00 цагт Бундестагийн сонгуулийн санал авах байрууд нээгдэв. Санал хураалтын дүн дээр үндэслэн шинэ канцлераар ахлуулсан шинэ засгийн газар байгуулагдах болно гэж ТАСС мэдээлэв.
Тус улсын 60 гаруй сая гаруй иргэн сонгуульд оролцож саналаа өгнө. Тус улс мажоритар болон пропорциональ зарчмыг хослуулсан сонгуулийн холимог системийг ашигладаг. Бундестагийн гишүүдийн тал хувь нь 299 тойрогт шууд саналаар, нөгөө хэсэг нь намын жагсаалтаар сонгогддог.
Хоёр Герман нэгдсэнээс хойшхи хамгийн олон буюу 47 нам холбоо энэ удаагийн парламентын сонгуульд оролцож байгаа бөгөөд мөн 6211 хүн нэр дэвшин өрсөлдөж байгаа нь хамгийн дээд үзүүлэлт болж байна.
Социологичид Христийн ардчилсан холбоо, Германы Социал демократ нам, Ногоонууд, Чөлөөт ардчилсан нам, Германы альтернатив болон Зүүний намыг парламентад суудал авах илүү бодит боломжтой гэж үзэж байна.
Германы СЕХ сонгуулийн урьдчилсан албан ёсны мэдээллийг даваа гарагийн орой нийтлэх юм.
Ажиглагчид энэ удаагийн сонгуулийг сүүлийн 16 жилд анх удаа Меркельгүй болж байна гэж онцолжээ. Тэрбээр 2005 оноос хойш тасралтгүй тус улсын канцлераар ажиллаж байгаа бөгөөд үүнийг нь хүндэтгэн 999 сорьцтой алтан зоос 5000 ширхэгийг гаргаж байгаа юм.
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
