Сураггүй болсон гэгдэж байсан Афганистаны Засгийн газрын орлогч сайд Кабулд эргэж иржээ

Хэдхэн хоногийн өмнө Талибын Засгийн газарт болсон хагаралдааны дараа сураггүй болоод байсан Ерөнхий сайдын орлогч Абдул Гани Барадарын  Кабулд эргэн ирсэн зургийг "Спутник Афганистан" олон нийтийн сувгаар дамжуулжээ. 

Энэ зургийг ерөнхийлөгчийн ордонд авсан гэж тэмдэглэжээ. Радикал Талибан бүлэглэлийн дайчдаас бүрдсэн түр засгийн газрын анхны хуралдаан 9 -р сарын 16 -нд болсон. 

Дэлхийд нөлөө бүхий  "Time" сэтгүүл хэдхэн хоногийн өмнө  Абдул Гани Барадарыг дэлхийн хамгийн нөлөө бүхий 100 хүмүүсийн жагсаалтад оруулсан байдаг. 

Барадар нь Афганистаны хуучин засгийн газрын гишүүдэд өршөөл үзүүлэх зэрэг бүх чухал шийдвэрийг гаргасан бөгөөд Талибаны хөрш зэргэлдээ улсуудтай харилцах харилцааг хариуцдаг болохыг уг хэвлэлд дурджээ. 

Барадар Афганистаны сайд нарын шинэ танхимын бүрэлдэхүүний талаар маргалдсаны дараа дээд удирдлагатайгаа уулзахаар Кабулаас Кандагар руу явсан гэх мэдээлэл байсан. Түүнчлэн түүнийг уудан хөнөөсөн байж магадгүй гэсэн таамаглал ч бас байсан юм. 

Барадар тавибын Засгийн газрын бүрэлдэхүүнд улс орныхоо бүх үндэстний төлөөллийг оруулахаар эрмэлзэж байсан боловч Пакистаны шахалтаас шалтгаалж санасандаа хүрээгүй гэдгийг мэдээллийн сувгууд онцолж байгаа юм.

Эдүгээ 53 настай Барадарыг Афганистаны хамгийн их ирээдүйтэй удирдагчаар нэрлэж байгаа төдийгүй дотоооддоо ихээхэн дэмжлэг авдаг улстөрч гэжээ.