Эквадорын Ерөнхийлөгч Лассо: Латин америкийн орнууд Европын холбооны зарчмаар нэгдэх ёстой

Эквадорын Ерөнхийлөгч Гильермо Лассо: Латин америк, Карибын тэнгисийн орнуудын интеграцийг Европын холбооны зарчмаар байгуулахыг санал болгов. Тэрээр тус нутгийн орнуудын хамтын нийгэмлэгийн дээд хэмжээний уулзалтын нээлт дээр ийнхүү мэдэгджээ.  

Түүний хэлснээр, эхлээд эдийн засгийн интеграцыг хөгжүүлж дараа нь  улс төрийн хувьд  интеграцчлах үйл явцыг эхлүүлэх аж. Ингэснээр  бүс нутгийн улс орнуудын "баялаг бүтээх" боломж илүү  нэмэгдэж, бүх нийтийн анхаарлыг татах нийтлэг зах зээлтэй болно.

Үүнээс гадна Эквадорын удирдагч Латин Америкийн орнуудын тэргүүнүүдийг үзэл суртлын ялгаанаас татгалзаж,  прагматик зарчимд тулгуурласан харилцааг уриалсан байна. 

Энэхүү зарчимд тулгуурласан хандлага нь харицаа нь тус улсыг БНХАУ, Орос, АНУ болон Европын холбооны зарим улс орнуудтай яаралтай хамтран ажиллаж, үүний үр дүнд коронавирусын эсрэг вакцинжуулалтыг  амжилттай хэрэгжүүлэх боломж олгосон гэдэгт тэр итгэлтэй байна. 

Долоодугаар сард Мексикийн Ерөнхийлөгч Андрес Мануэль Лопес Обрадор мөн үүнтэй төстэй уриалга гаргаж байв. Тэрээр Америк тивийн улс орнуудын харилцааны хуучин загвар аль хэдийн үеэ өнгөрөөсөн, ирээдүй гэж байхгүй хэмээн хэлжээ.

Лопез Обрадор  Латин Америкийн улс орнууд Европын Холбооны дүр төрхөөр нэгдэх ёстой боловч түүх, бодит  байдал, өөрийн онцлогтой холбоотой байх ёстой гэжээ. 

Эх сурвалж:ТАСС