Афганистаны дэд ерөнхийлөгчийн гэрээс алтан гулдмай, 6.5 сая доллар олжээ

Талибан бүлэглэлийн дайчид Афганистаны дэд ерөнхийлөгч Амрулла Салехын гэрээс 6.5 сая доллар болон алтан гулдмай олсон гэх мэдээллийг Афганистаны идэвхтэн Мухаммед Жалал өөрийн твиттер хуудсаараа дамжуулан мэдэгджээ.

Түүний хэлснээр, "Энэ бол мөсөн уулын зөвхөн орой юм". Энэхүү нэгжлэгийг Талибан хөдөлгөөний удирддаг Афганистаны аюулгүй байдлын хүчнийхний хийжээ. Дэд ерөнхийлөгчийн гэрээс олдсон бүх үнэт эдлэл болон мөнгийг хууль сахиулахын ажилтнууд хураан авчээ.

Энэ сарын 10-нд Талибчууд дэд ерөнхийлөгчийн ах Рухолла Салехийг баривчилж цаазалсан нь тодорхой болсон. Гэсэн хэдий ч  бусад зарим эх сурвалжийн мэдээллээр Рухолла Салех Панжшир мужид  босогчид болон талибуудын хооронд болсон тулалдааны үеэр амиа алдсан гэж байгаа юм.

Афганистанаас Тажикстанд суугаа Элчин сайд Захир Акбар 9-р сарын 8-нд Амрулла Салех Панжшир хотод байгаа бөгөөд Афганистаны Ерөнхийлөгчийн үүргээ үргэлжлүүлэн гүйцэтгэж байна гэжээ. Салехын төрийн тэргүүний албан тушаалыг Афганистаны үндсэн хуулиар баталгаажуулсан гэдгийг дипломатч  дурджээ.

Дэд Ерөнхийлөгч Амрулла Салех Панжширын эсэргүүцэгчдийн фронтын талибуудын эсрэг хийж буй тэмцлийг дэмжиж байв.

Тэрбээр удирдагч асан Ашраф Гани-г эх орноосоо дүрвэн гарснаас хойш тус улсын Үндсэн хуулийн заалтын дагуу  өөрийгөө Афганистаны Ерөнхийлөгчийн үүрэг гүйцэтгэгч хэмээн зарласан юм.

Эх сурвалж: Риа новости