Нийслэлийн Иргэдийн Төлөөлөгчдийн Хурал дахь МАН-ын бүлэг өнөөдөр /2026.05.26/ хуралдаж хотын даргыг сонгох асуудлыг хэлэлцлээ. Тодруулбал, хурлаар МАН-ын Удирдах зөвлөл, Нийслэлийн МАН-ын хорооноос Нийслэлийн Засаг дарга бөгөөд Улаанбаатар хотын Захирагчид МАН-ын Удирдах зөвлөлийн гишүүн, нарийн бичгийн дарга Б.Пүрэвдагвыг нэр дэвшүүлсэн. Улмаар нийслэлийн Засаг даргад Б.Пүрэвдагвыг нэр дэвшүүлэхийг гишүүдийн 100 хувийн саналаар  дэмжлээ. Үргэлжлүүлэн гишүүд асуулт асууж, хариулт авав.

НИТХ-ын төлөөлөгч Т.Батцогт:

-Тэрбээр, "Дагуул хот байгуулах ажил ямар шатанд явж байна. Хоёрдугаарт МАН-ын Удирдах Зөвлөл хуралдаж хотын иргэдийн сонголтыг дураараа өөрчлөөд яваад байх юм уу. Мөн төрийн албаны тогтвортой байдалд хэрхэн анхаарах вэ. Одоо хотын дарга өөрчлөгдөөд дахиад бүтцийн өөрчлөлт хийх үү" гэв.

Нийслэлийн Засаг даргад нэр дэвшигч Б.Пүрэвдагва тэрбээр,  дагуул хот байгуулах ажлууд үргэлжлээд явж байгаа. Төрийн албаны тогтвортой байдлыг ажлын үр дүнгээр иргэд шийднэ. Нийслэлийн мега төслүүдийг эрэмбэлж, ил тод нээлттэйгээр цааш нь үргэлжлүүлнэ. Иргэд талцлаас залхсан байна. Одоо ажлаа хийе. Олон туршлагатай хүмүүс бий. Миний хувьд ажлаа мэддэг, туршлагатай хүмүүстэй ажиллана.

НИТХ-ын төлөөлөгч Э.Золзаяа тэрбээр, Хотын системийн асуудлыг юу гэж харж байна вэ. Хамгийн эхэнд ямар өөрчлөлт хийх вэ. Туулын хурдны замыг үргэжлүүлэх үү. Хотын дэд бүцийн асуудлыг улс төрөөс ангид шийдэж, эрэмбэлж чадах уу. Хоёр жилийн дараа иргэд сайн даргатай байснаа ямар үзүүлэлтээр дүгнэх вэ" гэдгийг тодруулав.

Нийслэлийн Засаг даргад нэр дэвшигч Б.Пүрэвдагва тэрбээр, хамгийн эхэнд иргэддээ ээлтэй хот болгоно. Харин Туулын хурдны замын тухайд Засгийн шйидвэр бий. Маш сайн тооцоолол хийнэ.  Олон мега төслүүд байна. Тухайлбал, трамвай, метроны төсөл байна. Трамвайд 350 орчим, 145 тэрбум, нийт 900 гаруй тэрбум төгрөг тусгасан. Бүх төслийн нэгжтэй уулзана. Иргэдийн санаа бодол чухал байна. Үр ашигтайгаас нь эхэлж явуулна, алийг зогсоож, алийг үргэлжлүүлэхийг одоо хэлэхэд эрт байгаа учир холбогдох албан тушаалтнуудтай уулзаад шийдвэрээ гаргана. Үндсэндээ миний хувьд буцалж буй тостой тогоо руу үсрээд орж байна. Залуу хүний хувьд биеэ нөөхгүй, сайн ажиллана. Хотын дарга хийх хугацаанд хэр хүн төвтэй хот болсон бэ гэдгээр дүгнээрэй гэж хэлмээр байна. Надад хувийн ашиг сонирхол байхгүй. Харин хотын иргэдэд тулгамдсан асуудлыг шийднэ" гэлээ.

НИТХ-ын төлөөлөгч Б. Энхжаргалан: Нийслэлийг бизнесийг дэмжих хот болгон зарласан. Энэ хүрээнд Жижиг дунд бизнес эрхлэгчид, хувийн хэвшлээ бодитоор яаж дэмжих юм бэ. Бодит үр дүнгээ өгөх бодлого хэрэгтэй байна. Хоёрдугаарт, Улаанбаатар залуучуудын хот. Эдгээр хүмүүс чөлөөт цагаа ая тухтай өнгөрүүлэх, сурч боловсрох тал дээр хэрхэн анхаарах вэ?

Нийслэлийн Засаг даргад нэр дэвшигч Б.Пүрэвдагва :

-Бизнес хамгийн чухал. Миний хувьд бизнес эрхэлж байсан хүний хувьд жаргал зовлонг нь мэднэ. Засаг дарга болвол дахин нэг ч төрлийн татвар, хураамж нэмэхгүй. Төр бизнестэй өрсөлдөхгүй. Залуучуудад ээлтэй хот болгох тухайд чөлөөт цагаа зөв боловсон өнгөрөөх цогц газрууд бий болгохыг зорино" гэв.

Нийслэлийн Засаг даргад нэр дэвшигч Б.Пүрэвдагваас төлөөлөгч нар асуулт асууж дуусав. Үргэлжлүүлээд санал хураалт явагдана.