Япон дахь гадаад ажилтнуудын тоо хамгийн өндөр хэмжээнд хүрчээ

Дэлхий Admin Today 2019 01 сар 29 601

Японд ажиллах хүчний хомсдол үүсэх төлөвтэй байгаатай холбогдуулан гадаад ажилтнуудын тоог нэмэгдүүлж байгаа билээ. Үүний улмаас тус улсад ажиллаж буй гадаад ажилтнуудын тоо урьд байгаагүй хамгийн өндөр хэмжээнд хүрсэн байна.

“Kyodo” агентлагийн мэдээнд тэмдэглэснээр, Японд байгаа гадаад ажилтнуудын тоо 1.46 саяд хүрсэн ажээ. Энэхүү тоон үзүүлэлтийг улс орноор авч үзвэл, БНХАУ-ын иргэд хамгийн олон буюу 390 мянга орчим байгаа бол араас нь Вьетнам улс орж байна.

2018 оны 10 дугаар сарын 31-ны байдлаар, Японд гадаадын 1.460.463 иргэн ажиллаж байсныг өмнөх оны мөн үетэй харьцуулахад 14.2 хувиар өссөн байна. Түүнчлэн энэхүү үзүүлэлт 11 дэх жилдээ дараалан өсч байгаа аж. Энэ тухай тус улсын Эрүүл мэнд, хөдөлмөр, нийгмийн хамгааллын яамнаас гаргасан тайланд мэдээллээ.

Гадаад ажилтнуудын дийлэнх нь үйлдвэрлэлийн салбарт ажиллаж байгаа бол араас нь жижиглэн худалдаа, зочид буудал болон нийтийн хоолны үйлчилгээ зэрэг салбарт ажиллагсад орж байна. 

Эх сурвалж: www.TODAY.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх